Pa medio di esaki Arubus kier a aclarea nos posicion encuanto preocupacion cu tin den pueblo, Mediante reaccion di un di nos chauffeur nan di bus riba social media.
Nos kier a segura tur usadornan di bus, coredornan y ciclista nan cu nan siguridad ningun momento lo wordo comprometi. Como compania di Transportacion Publico nos ta sigura tur usado nan careteranan cu nos lo cumpli cu tur regla di trafico manera mester ta y sigura tur hende cu nan siguridad ta di sumo importancia pa nos compania.
Nos ta investigando e caso en particular aki rigurosamente y manera nos tin mas claridad riba esaki nos lo publica esaki pa pueblo por ta na altura.
Di antemano masha danki pa e comprension y di awor caba nos disculpa pa cualkier inconveniencia cu esaki por a trece cu ne.