Director di Arubus Sr. Eddy Mohamed durante un entrevista a confirma cu un abris nobo a keda poni na Cura Cabai conhuntamente cu e cooperacion cu DOW y e kier a gradicinan pa e trabou haci. Sr Mohamed a menciona cu e abris tabata tin basta tempo kibra despues di un accidente, y cu ayudo di nos techniconan paden a drecha esaki y cambi’e full na un otro manera cu esunnan anterior, awor por tuma nota cu tin un espacio mas pa banki cu mas hende por sinta y warda nan bus.
Esaki ta e prome abris full renoba y cu mas espacio a keda poni y e di dos ta den planing y ta trahando riba dje y asina lo bay drecha tur e otro abrisnan y asina e usuarionan ta haci uso di Arubus mas placentero y hendenan ta cinta den sombra y ora e bus cu airco yega ta subi y bay bo destinacion desea.
Sr Mohamed a menciona cu tin mas cos na caminda cu lo yuda e pasahero pa haci su biahe mas placentero, y pronto lo anuncia kico ta e otro proyectonan cu Arubus lo bin cune pa cambio pa e usuarionan.