Aworaki Arubus ta cubriendo tur e rutanan pa locual ta scol manera cu e mester ta. Y e muchanan ainda por uza e lijndienst. Ora cu e schoolbus no ta yega, muchanan por haci uzo di e lijndienst. Arubus a cuminsa caba cu e renobacion di e studentencard, desde dia 2 di juli. Sr. Teo Croes, director di Arubus ta splica mas ariba esaki.
RENOBACION
Tur aña ta e mesun problema, cu ta laga e renobacion di nan studentencard pa ultimo. Nan ta lag’e pa un dia prome, cu tur hende ta bin. Tur biaha cu haci algo, ta pone extra mankracht. Ta haci’e un otro bario. Pero tin biaha ta pone den otro bario, e cantidad di hende cu ta bin, ta masha poco. Sr. Teo Croes, director ta haci un apelacion na mayornan, pa pro fabor bin renoba e carchi na tempo. Evita e drukte, e calor, etc. Ya caba por cuminsa renoba e smartcardnan. Pa loke ta tecnologia, pa recarga via atm, per esaki ta minimo. Tin mayornan ta renoba te hasta 5 florin. Arubus ta pensando di bin cu mashinnan special pa recarga, enbes di haci’e via banco. Esaki no solamente pa studiante, pero tur carchi por wordo recarga y wak e saldo tambe. Pero Arubus ta preparando caba pa mashinnan unda cu por wak e saldo. Pa renoba e carchi di studiante, mester bin cu’n prueba cu e ta un studiante. E por ta un carta di scol, un rapport, etc. Ta pidi un prueba, ya cu studiantenan ta paga un prijs reduci, di 1,50. Un studiante ta haya un studentencard pa henter e aña.
AMPLIACION
Sr. Croes a sigui bisa cu nan no ta wak e necesidad pa amplia nan rutanan pa e scolnan. El a sigui bisa cu al contrario, ya cu por bisa cu el a baha un tiki. Esaki ta dor cu tin basta competencia, ya cu tin diferente busnan cu ta busca e muchanan na cas, hibanan scol y despues buscanan bek pa hibanan cas. Pa Arubus ta dificil pa para esaki, ya cu e no ta den nan man. Te hasta DTP no por actua contra nan, ya cu ta trata di A-nr, cu ta regarda polis. Esey ta e parti di ley. Arubus no por haci nada cu esaki. Pa aworaki, Arubus lo mester deal cu esaki, te ora cu bin cu’n cambio di ley. Esaki ta un fenomeno mescos cu taxi pirata. Pero e no ta den Arubus, a pesar cu e ta afectando Arubus y ta pone cu Arubus ta perde e muchanan, segun Sr. Teo Croes, director di Arubus.