Varios cargado di droga a wordo condena pa Corte na Willemstad pa importacion como tambe exportacion y posesion di droga. E personanan a wordo deteni pa e personal atento di e team di Hato. Tur ta culpabel di kibra ley di opio.
Un di e acusadonan ta un Arubiano J.T.A.D.S, di 33 aña, kende a wordo sentencia pa intento di exportacion di 410 gram di cocaina den forma di bolita. El a sconde e bolitanan tanto vaginal y rectalmente.
Tambe E.F di Boneiro, a wordo sentencia pa guli 37 bolita. En total tabata trata di e caso di 1576 gram di cocaina cu tabata den su stoma, danki na aparatonan di xray. J.R.B, for di Corsou, a wordo gara cu 55 bolita, bon pa 497 gram di cocaina. Tambe a wordo sentencia e dama N.L.A di Corsou, a wordo sentencia pasobra el a warda 379 gram di cocaina tanto anal y vaginal. J.P di Corsou, pero biba na Hulanda, a wordo deteni na yegada for di Hulanda cu 765 gram di marihuana. Esaki tabata scondi den su maleta. Un sentencia peculiar tabata pa e dama RDE for di Boneiro. El a wordo encarcela den prizon S.D.K.K di Corsou cu 89 gram di marihuana na momento cu e kier a contrabandea e droga pa un detenido.