Na comienso Minister Plenipotenciario, Guilfred Besaril tabata tin plannan hopi ambicioso, pero mester a formula prioridadnan. E mandatario ta amplia.
A cuminsa na duna prioridad na e empleadonan, ya cu ta celebra 35 aña di servicio. Pa esaki tambe, di awo padilanti, Arubahuis tin su dia tambe. E dia aki ta para keto, reflexiona, analisa, di kico kiermen ser un embahador di nos pais, ya cu cada empleado ta un embahador di nos pais. Unda cu mester mantene un relacion, mas estrecho mas miho.
Ora cu a identifica kico ta e necesidad di e empleadonan y e studiantenan, ya cu esaki ta e di dos sector cu ta hopi importante, y awo ta bin e parti mas dificil, cual ta e edificio. A bay over na bay en busca di un edificio otro, y temporalmente, tur esten cu ta renobando e edificio actual, cu ta den un mal estado. E gastonan di mantencion ta duro, ya cu ta costa mas hopi cu traha un nobo.
Esaki tambe ta un di e motibonan pa cual e mandatario ta na Aruba, pa tuma un decision den ministerraad kico ta bay haci cu Arubahuis su edificio y a keda dicidi cu lo renoba Arubahuis entrante januari 2019. Lo bay en busca di un otro edificio of lo huur oficinanan mobile.
Sr. Besaril a sigui bisa cu el a topa cu un sistema cu no ta e miho pa nos studiantenan, pa cual a bin cu mentornan nobo.