Den e weekend tras di lomba Aruba Triathlon Association un bes mas a conoce un prestacion exitoso den e Caribbean Championship na Key Biscane, Florida y den e Camtri Series na Salinas, Ecuador. Na Caribbean Championship cu a tuma lugar na Key Biscane, Florida, e atletanan Giannon Eights, Linda Smith y Sandra Postma a logra sobre sali den un fuerte bataya contra e miho atletanan di triathlon den nos region. Mester bisa cu e atleta hoben Giannon Eights a logra un prome luga den su categoria y ta logra finalisa na un di 4 luga overall den e evento. E dos atletanan femenino, Linda Smith y Sandra Postma tambe a logra un resultado formidabel unda Linda Smith a logra un prome luga den su categoria y un segundo lugar overall, mientras Sandra Postma a conkista un prome luga den su categoria y un di cuater luga overall. Na e mesun momento na Salinas, Ecuador a inicia e Camtri Series den e deporte di Triathlon y aki Aruba su tri-atleta elite Renze Postma ta logra un di 8 lugar overall y ta kibra su record personal cu mas cu 4 minuut, cual sin duda ta un prestacion di kita sombre. E atleta Renze Postma pa mas cu dos luna y mey a permanence den exterior unda el a atende un campo di entrenamento na Colombia. Lotto, e Loteria di Aruba ta manda palabra di pabien na e cuater atletanan Renze Postma, Giannon Eights, Linda Smith, Sandra Postma como tambe na coachnan Glennon Eights, Nicolaas Robert y Aruba Triathlon Association pa nan tremendo resultado obteni pa Aruba su deporte.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.