Recientemente a traha un “Business Case” basa riba “ Opvang “ den 24 ora cu ta un proyecto realisa riba peticion di Centro pa Desaroyo di Aruba CEDE den colaboracion cu Fundacion Guiami, SVGA Stichting voorVerstandelijk Gehandicapten y SABA. Meta di esaki ta pa structura cuido di personanan cu limitacion mental y of mas limitacion.
E meta principal ta pa cuida e grupo entre 0 pa 18 aña di edad y despues amplia e grupo te cu 35 aña di edad y despues di 3 aña habri e oportunidad pa cuida esunnan te cu 55 aña y edad of mas grandi.
Cu e proyecto aki, Aruba mes lo por cuida su muchanan special, cu awor nos ta mandando pa “Curacao Intramuraal” pa haya cuido specialisa y profesional. Na momento cu servicio ta completo y tur fase ta funcional, Aruba lo por acomoda su mesun pashentnan cu limitacion mental. Actualmente tin un grupo cu pa falta di un luga ideal, ta haciendo uzo di PAAZ. Cu e servicio adicional aki lo por baha e tempo di espera tambe pa ricibi tratamento y cuido den e ramo specifico aki.