ATIA awor tin un presidente y un director nobo. Ta trata aki di sr. Ronald van Trigt, kende no ta un persona desconoci, a wordo eligi como presidente electo y tambe, durante un conferencia di prensa, ta desea e directora nobo, Michelle de Groot, un bon bini.
Van Trigt a anuncia na prome instante, tin un cambio den hunta di ATIA, caminda e ta asumi un biaha mas di ta presidente di hunta di ATIA. E cambio aki a tuma luga pa motibo cu presidente di hunta kende tabata Michel Henriquez, a asumi un otro posicion y consecuentemente su posicion a bin vacante den ATIA. A tuma luga un votacion y van Trigt a wordo pidi pa guia ATIA den e proximo lunanan. Tambe tin e placer pa anuncia cu ATIA a nombra un director, kende ta bay guia ATIA diariamente, conhuntamente cu e office manager pa un tempo cu a traha cu un director interino, pero e hunta a tuma e decision pa nombra sra. Michelle de Groot como directora y ta desea naturalmente Michelle hopi exito den su funcion nobo. Tambe nan tin e confiansa cu Michelle lo sa representa ATIA dignamente riba un base diario, conhuntamente cu e team di dje.
Evento
Van Trigt a sigui menciona riba e evento cu ATIA ta planeando pa dia 2 di December proximo, unda cu lo bay tin e privilegio di tin e reapertura di nos refineria como topico principal di e anochi aki. Orguyoso ta, pasobra a logra haya ehecutivonan di Citgo, pero tambe di refineria di Aruba pa duna un presentacion e anochi aki. Un topico cu ta regarda futuro economico di nos pais. ATIA ta hopi contento tambe di por tin un main sponsor cu semper ta para tras di eventonan cu ATIA tin, un di e adernan principal di nos economia cu ta Caribbean Mercantile Bank, cu ta haya e evento aki suficiente importante pa ta main sponsor. ATIA ta hopi orguyoso pa tin CMB atrobe como main sponsor di un ATIA event, conhuntamente cu Refineria di Aruba.