Diabierna ultimo den presencia di Minister di Turismo, Sr. de Meza, Minister di Asunto social, Hubentud y Labor, Sr. Paul Croes, ehecutivonan di Barceló Juan José Ribas, Joseph Brich, Samuel Johnson, y CEO di Aruba Tourism Authority, Ronella Tjin Asjoe- Croes, a inaugura oficialmente Barceló Aruba, cu antes tabata Occidental Grand Aruba.
Occidental Grand Aruba
Aruba tabata tin e honor pa tin Occidental Grand forma parti desde 2004 di e portfolio di hotelnan riba nos isla. Durante su presencia na Aruba, Occidental Grand Aruba a forma parti di un strategia importante pa atrae bishitante na nos isla y asina a logra ricibi un total di 404.661 bishitante. CEO di A.T.A. a elabora riba esaki: “El Occidental Grand Aruba ha sido una propiedad muy importante para impulsar el crecimiento de visitantes a Aruba que buscaban unas vacaciones todo incluido, pero también fue un importante socio de negocio para A.T.A. en la estrategia de crecimiento del segmento MICE durante varios años.”
Barceló Aruba
Barceló Hotels & Resort ta un marca renombra den e industria hotelero cu mas di 85 aña di experencia den brinda hospedahe na bishitantenan. Durante e añanan nan a logra di posiciona nan mes como un di e top 3 hoteleronan na Spaña y top 30 den mundo.
Señora Ronella Tjin Asjoe- Croes, CEO di Aruba Tourism Authority a splica cu e strategia di e cadena hotelero Barceló ta similar cu esun di Aruba y ta mira e binida di e cadena aki uno positivo: “En Aruba buscamos socios de negocios como Barceló Hotels Group, una marca que se adapta a las nuevas tendencias de turismo, que se posiciona en un segmento de alto nivel y que mantiene las propiedades con constantes mejoras para el beneficio de sus clientes.”
A.T.A. ta kier a gradici un bes mas e gerente y staf di Occidental Grand Aruba pa a brinda nos bishitantenan cu un experiencia vacacional inolvidabel yena cu memorianan bunita di e gran hospitalidad cu nos isla tin pa brinda. Asina aki nos ta reconoce e contribucion importante na nos industria turistico. Danki pa duna Aruba e mihor dibo.
Alabes Aruba Tourism Authority kier a yama un bon bini na e staf y personal di Barceló Aruba cu nos ta sigur lo sigui cu e bon trabou pa atrae bishitantenan di calidad pa bin disfruta di nos isla. A.T.A. ta disponibel pa apoya y acompaña e cadena nobo aki riba nos isla pa asina conhuntamente contribui na e industria turisco di Aruba.