Recientemente, representantenan di Aruba Tourism Authority (A.T.A.) a participa na e IMEX America Show cu a wordo teni na Sands Expo & Convention Center – Venetian/Palazzo, na Las Vegas, Merca. IMEX ta e exposicion di mas grandi cu ta cubri biahenan pa incentivo, reunion y eventonan.,E expo aki a conta cu e presencia di A.T.A. su ekipo di “Aruba Convention Bureau”. IMEX ta atraye aproximadamente 2348 cumprado invita di Norte America y 868 di otro pais, mas cu 3250 exhibidor.
IMEX America a provee e ekipo di ATA cu oportunidadnan pa negoshi y networking di alta calidad den transcurso di e tres dianan. E “booth” di Aruba a disfruta di un programa di cita completamente yen, cual a inclui organisadornan di reunion for di Norte America, Latino America y tambe for di Europa. Durante e dianan a duna varios presentation na grupo di organisadornan internacional. Ademas, tabata tin un invitacion special pa pasa bishita e booth di Aruba unda a rifa varios estadia y actividad pa asina clientenan por cera conoci cu e destino.
Trade shows manera esaki ta provee Aruba Tourism Authority cu personanan di contacto y recursonan di cual e balor ta incalculabel, pa asina promove nos producto Aruba mas ainda pa reunion, biahenan di incentivo, y eventonan di destinacion. ACB a participa na varios eventonan di networking manera SITE Nite y MPI Foundation.
E presencia di ATA na e trade show ta amplia mas ainda e oportunidadnan pa negoshi potencial pa e destinacion turistico di Aruba. Varios biaha, e gruponan cu ta bin Aruba ta paso nan a cera conoci cu nos isla na un di e exposicion nan aki. Tambe presente na e IMEX America Show como socionan di exhibicion cu ATA tabata Aruba Marriott Resort & Stellaris Casino, Hilton Aruba Caribbean Resort & Casino, Hyatt Regency Aruba Resort, Spa and Casino, De Palm Tours, Eco Destination Management Services, Red Sail Sports, y Epic DMC.