E aña academico tras di lomba, IPA tabata tin un cantidad di graduadonan cu a caba durante di aña y ultimo ainda tabata tin algun cu a finalsia. Tin un total di 37 graduado, parti den diferente opleiding. Sr. Berthson Boekhoudt, directeur initiele opleiding di IPA ta splica.
Tin e opleiding, Basisonderwijs, tin 19 persona cu a caba e aña aki. Tin tambe esun di Movecion y Salud, cu ta e parti verkort. E grupo grandi mes lo caba na November/December. Esunnan cu a caba awo ta dos di e verkorte, cu tabata tin un of otro vooropleiding caba. Tambe pa Hulandes eerste graads, tin dos cu a keda cla. Tin esun cu a haci derde graads, unda tres studiante a caba. Y tweede graads di Constructieve Technieken tin tres studiante cu a keda cla. Y PDG, Pedogisch Didactisch Getuigschrift, tin 8 studiante cu a keda cla. Dus en total 37 studiante cu a termina nan estudio.
E cifranan ainda ta indicacion cu falta, pero mester wak cuanto a cuminsa. E grupo cu a caba aworaki, 4 aña pasa no tabata tin hopi hende cu a cuminsa. Si compara cu aña pasa, tbata tin un grupo grandi cu a keda cla. Pero si coy 2013 tabata tin un grupo hopi mas grandi cu a cuminsa, compara cu 2014. E ta bay pa esun cu caba, pero tambe pa esunnan cu a cumisna.
Actualmente, internamente tambe IPA ta bezig ta wak con pa yega na un stimulacion mas grandi pa tuma e stap pa bira docente. Tambe ta pensando, mirando cu awo tin solamente primair onderwijs, ta un opleiding cu ta durante dia. Pero ya caba a cuminsa pensa ariba personanan cu kier haci’e atardi. E opcion aki tambe nan ta bezig ta explorando, y hopi lije mester cuminsa explora otro posibilidadnan pa haya mas hende paden, y e ora por garantisa un output mas grandi.
PLAN DI IPA PA FUTURO
Sr. Boekhoudt a splica cu nan ta bezig cu cierto targetnan. P.e. den enseñansa aworaki caba e ser masculino no ta bin hopi dilanti. Ya caba IPA tin pensa con ta bay cuminsa target e ser masculino. Un ehempel, IPA ta purba duna den e estudio mes un tiki mas enfasis ariba e parti di techniek, e parti mas di programanan di computer, cu por bin den e opleiding. Asina ta haci’e mas atractivo pa e hende homber. Pero esey no kiermen cu no kier haya e hende muhe. P’esey mester keda informa e studiantenan di trempan, kico ta e opciionnan y kico e profesion ta encera. Dus mester propaganda e profesion mes. Segun Sr. Boekhoudt, ora di puntra un mucha chikito, ora cu puntr’e kico e kier bira ora e ta grandi, e ta bisa of cantante of juffrouw di scol. P’esey mester sigui stimula e muchanan y pa nan haya mas interes den e profesion. Na caminda e ta cambia y mester zorg pa haya esey bek.