Despues cu diabierna mainta, Sr. Otmar Oduber a huramenta un biaha mas como minister, e ta splica kico ta e siguiente paso y e metanan su dilanti.
Sr. Oduber a cuminsa na bisa cu esaki ta di parti pueblo di Aruba cu a pidi e cambio pa cual e meta ta haci esaki pa nos haya nos pais bek manera e mester ta. Hopi hende a considera cu e formacion a tuma hopi tempo. Pero ora cu tres partido tin cu bay traha hunto cu otro y ta 20 aña pasa cu coalicion a wordo forma na Aruba, E respet cu a wordo desplega durante tur e periodo aki, den e 4 pa 5 simannan tras di lomba, ta refleho di e solidez cual gobernador a pidi y durabilidad, cual lo zorg pa stabilidad den economia di bo pais. Sr. Oduber ta convenci cu nan tin un base solido.
Esaki ta di tres biaha cu Sr. Oduber ta haya e honor di ta minister di nos pais. Gobernador na un forma hopi cla, awe a mustra ariba e responsabilidad cu e ta mira y ta desea pa pone enfasis pa loke ta e gobierno cu ta bay sinta. El a haya esaki masha inspirativo. Pero mas cu tur e accento cu a wordo teni den Reino y ariba e rol di gobernador di Aruba, cual ta un rol cu ta profila su mes pa carga norma y balornan den nos comunidad. Y e respet cu mester mustra na e instituto di gobernador y e respet cu mester wordo refleha den gobierno, tanto minister como parlamento.
A recorda tur hende, cu e cabes di gobierno y tambe como representante di Rey, aki na Aruba, sigur tabata un momento di refleho y inspiracion, pa percura cu e trabao grandi cu tin cu wordo haci pa e comunidad wordo refleha tambe pa cu e felicidad y e integracion cu mester existi dentro di Reino, segun Sr. Otmar Oduber, kende awo lo fungi tambe como Vice- Prome Minister di gobierno di Aruba.