Pais Aruba ta pasando den retonan financiero grandi. Tres ley sumamente importante mester wordo trata ainda prome cu fin di aña, y un di nan ta e cambio di Ley di Presupuesto 2018, cu mester incorpora e recomendacionnan di CAft. Sr. Richard Arends, miembro di e fraccion di AVP den parlamento, ta elabora ariba esaki.
E prome (y esun mas importante) segun Sr. Arends, ta e ley di Presupuesto 2018, den cual gobierno lo mester incorpora e ultimo recomendacionnan di CAft. Ora cu caba cu esaki, mester sigui cu e Ley di Presupuesto 2019. Gobierno a bin anteriormente den parlamento pa duna splicacion con ta bayendo cu e ehecucion di presupuesto 2018 mes y tambe e preparacionnan di presupuesto 2019. Sinembargo, gobierno no a duna e informacionnan necesario. E diferente den e presupuesto entre e dos presupuestonan ta di 130 miyon florin. Y nan no a ningun splicacion kico nan ta haciendo caba pa por cubri e diferencia aki. Y por ultimo, un ultimo ley tambe cu mester wordo atendi ta e cambio di Ley di Supervision Financiero.
Esaki ta e tres leynan cu e parti financiero/economico ta esunnan mas importante cu pasa. Obviamente si tin oportunidad di pasa otro leynan, cu a wordo menciona, siguramente esakinan tambe lo wordo trata.
pa loke ta CAft, ora cu el a wordo crea na 2014, e lo mester tabata pa 4 aña. Despues di esaki, CAft lo mester a traha luga pa un Camara di Supervision legal cu Conseho di Minister di Reino. Esaki mester tuma luga na 2018, lo mester tin un begrotingskamer abao di Raad van Advies. CAft den calculacionnan haci, tabata cu e debe lo keda aumenta. Tanten cu tin deficit, manera ta e caso den ultimo añanan, e debe ta keda subi. Pero e condicion e tempo ey, ta cu na 208 lo mestr a yega na un surplus, caminda cu por a cuminsa cancela cierto debenan y e tasa di debenan lo a cuminsa baha. Esey originalmente ta e idea.
Den parlamento tin algun parlamentario cu ta sostene coalicion, vocifera fuertemente contra di Hulanda, contra CAft, contra exigencianan, haciendo un link hopi directo cu nos derecho di autodeterminacion. Pero si ta pasa un mocion pa e supervision sigui manera cu e ta, y pa inclui e normanan cu a wordo palabra preliminarmente, cu ta un deficit di 0,5% e aña aki y un surplus otro aña.
Dus ta un tiki contradictorio, loke a wordo bisa y e mocion cu a wordo pasa. Finalmente, Sr. Richard Arends ta kere cu gobierno mester caba cu su negociacionnan cu Hulanda, cu ainda ta tumando luga y bin parlamento, y presenta e cuadro financiero nobo y e cambio di Ley di Supervision Financiero nobo.