Recientemente e organisacion di Aruba Tang Soo Do/ Hapkido tambe a celebra e ASU Olimpiada 2016 unda nan a organisa un dia di torneo pa tur nan miembronan den e sala di recreacion di Club Kibrahacha 60+. Mester bisa cu a participa den e edad di 3 aña te cu e mas grandinan. A participa den 4 categoria cual esta sparring, forms, breaking y forms cu arma. BSBN Richard Vrolijk a keda hopi satisfecho cu e atendencia di tur e participantenan.
Tur hende a gosa di un dushi dia den e deporte di Arte Martial. E deporte di Tang Soo Do a bira hopi popular na Aruba y e cantidad di scolnan na Aruba a crece unda mas mucha y hoben como tambe hende grandi a cuminsa practica esaki. Casi tur aña tin un of mas evento internacional di Tang Soo Do ta wordo atendi den exterior, mientras cu Aruba tambe ta host sigur un bes pa aña un evento internacional di e deporte di arte marcial.
Un danki sigur na Lotto, e Loteria di Aruba pa medio di Comision di Subsidio cu a subsidia e torneo di Aruba Tang Soo Do/Hapkido en conexion cu e Asu Olimpiada 2016.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.