Aruba Taekwondo Bond (ARTBO) ta contento di anuncia e continuidad di su programa di Centrale Training pa e desaroyo di e Selección Nacional di Taekwondo di Aruba. E programa ta diseña pa brinda atletanan cu e habilidatnan, tecnicanan y training necesario pa progresa den e deporte di Taekwondo. E training lo concentra riba e desaroyo di e habilidadnan y tecnicanan di atletanan aspirante den e divisionnan pa Kids, Cadet, Junior y Adult.
Bou guía di e talentoso coachnan di ARTBO, Sr. Teo Rodriguez y Olympian Srta. Monica Pimentel, e sesionan di training lo brinda e training riguroso cu nan mester pa sobresali den e deporte di Taekwondo.
Ambos instructornan tin hopi experiencia den e programa, y nan ta dedica pa yuda atletanan di Taekwondo di Aruba logra nan potencial máximo.
E training ta diseña pa prepara atletanan pa competencianan futuro y representa Aruba cu orguyo riba e scenario internacional.
“E iniciativa di e Centrale Training ta un paso importante pa reforsa e misión y visión di ARTBO y fomenta un generación nobo di atletanan talentoso,” según declaración di Vice-presidente di ARTBO Sr. Norberto “Nuno” TROMP. “Nos ta dedica pa brinda nos atletanan cu e miho training y sosten pa nan por logra nan soñonan den Taekwondo.”
E Selección Nacional di Taekwondo di Aruba ta completamente supervisa y maneha bou di supervisión di ARTBO y e Comité Olímpico Arubano (COA). E colaboración aki ta segura cu atletanan por ricibi e nivel mas halto di guía y sosten durante nan trayecto di training y competencia.
E programa di Centrale Training ta tuma lugar na Club Estrella na Santa Cruz.
Tur scol di Taekwondo miembro di ARTBO ta invita pa participa na esaki.
ARTBO ta desea tur studiante y coach participante hopi suerte den nan training y retonan futuro. ARTBO ta dedica pa nutrí e talento y pasión di su atletanan di Taekwondo y eleva e perfil di Taekwondo na Aruba.
Aruba Taekwondo Bond (ARTBO) ta e instancia oficial pa cu asuntonan di Taekwondo na Aruba. ARTBO ta dedica pa
promove Taekwondo y e desaroyo di e deporte na tur nivel. ARTBO ta miembro di e Federación Mundial di Taekwondo (WTF) y e Union Pan-Americano di Taekwondo (PATU).
Pa mas información tocante e Aruba Taekwondo Bond, por favor bishita nan pagina di Facebook na: https://www.facebook.com/ArubaTaekwondoBond2022/
