Diasabra, 21 di januari, e federacion di Taekwondo lo tene nan campeonato nacional relaciona cu e celebracion riba Dia di Betico. E campeonato aki lo tuma luga den Centro Deportivo Frans Figaroa na Noord. Por participa cu atletanan segun categoria, edad, grado y division. Tur scol miembro di Aruba Taekwondo Bond lo competi como e mihor Team mientras lo tin 1 trofeo disponibel pa prome luga (Best Team).
Pa 9or di mainta lo tin e ceremonia di apertura mientras despues lo sigui cu tur e combatenan den tur e categorianan. Na final lo haci entrega di e medaya y trofeonan. Mas cu claro un di e deportenan mas sobresali den e ultimo añanan sin duda ta taekwondo cu semper ta saca cara di Aruba den comnpetencianan den exterior.
Nos atletanan di taekwondo ta biaha rond mundo y competi contra e mihonan. E clasificacion di e atleta Olimpico Monica Pimentel pae Weganan Olimpico di Rio 2016 a duna e deporte un extra empuhe cu nos por yega y competi riba e nivel di mas halto den e deporte di combate.
Un danki sigur na Lotto, e Loteria di Aruba pa medio di Comision di Subsidio cu a subsidia e eventonan deportivo enconexion cu e celebracion riba Dia di Betico.
Tur aña mayoria federacion tin riba nan calendario un evento deportivo riba 25 di januari, celebrando asina e fecha natal di e gran estadistica Arubano.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.