Dialuna awor Federacion di tennis di mesa ya lo cuminsa cu nan torneo Copa Himno y Bandera en conexion cu e celebracion di nos Dia Nacional 18 di Maart. E torneo lo tin un duracion di 5 dia.
Lo inicia e torneo den e Cat U18 ta dialuna awor dia 12 na Club Estrella di 7pm-9pm mientras pa su mañan diamars lo sigui cu e Cat U13 na Centro Deportivo Ibisa San Nicolas esaki di 5pm-7pm . Na mesun momento diamars 13 di maart lo tin tambe e Cat Master y Damas na Centro Deportivo Betico Croes esaki di 7:30pm-10pm. Diaranzon lo sigui cu e Cat U 15 na Club Estrella esaki di 5pm -7 pm y lo sigui e diabierna 16 di maart cu e Cat U 11 na Club Estrella esaki di 5pm -7 pm. Por ultimo lo finalisa e Copa Himno y Bandera cu e torneo den e Cat A y B klas esaki diamars 20 di maart na Centro Deportivo Betico Croes mientras e orario lo ta di 7:30pm-10pm.
Durante añanan, e deporte di tenis di mesa a conoce un bon desaroyo sigur si nos wak e prestacion di nos hobennan prospecto cu poco poco a cuminsa na duna bataya satisfactorio y cu resultado triunfante contra otro paisnan den nos region y continente. Ehempel palpable ta e clasificacion pa e Weganan Centro Americano y Del Caribe Barranquilla 2018 di e hoben Mas cu claro lo sigui traha duro pa obtene mas resultadonan positivo y crea mas hungador di tenis di mesa pa Aruba.
Stichting Sportsubsidie Aruba ta subsidia e competencia e Copa Himno y Bandera den e deporte di tenis di mesa.
Cumprando weganan di Lotto, e Loteria di Aruba manera Catochi, 1-Off, Big 4, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e diferente weganan di Raspa Y Gana bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.