E federacion di tennis di mesa, ATTA a organisa su torneo di ping pong pa tur nan atletanan esaki en conexion cu e ASU Olimpiada 2016. E weganan a wordo hunga den e diferente categorianan mientras cu cada hungado a duna su maximo esfuerso pa logra sali como e triunfado di e torneo aki.
Den e categoria di U-13 nos ta haya na prome luga Bob Chung, na di dos luga a keda Mikayla Mathilda mientras na di tres luga a keda Jeremy Ras. Pa loke ta e categoria di U-18, e prome luga a bay pa Jendry Mathilda, e di dos luga a bay pa Ching Ho Chung y na di tres luga a keda Jean Claude Hoek. Den e categoria B- Klas nos ta haya e prome luga a bay pa Jonathan Parades, e di dos luga a bay pa Wing Chow Leong y na di tres luga a keda Jean Claude Hoek y Gregory Mathilda.
Den e categoria Open klas no tabata tin mucho sorpresa unda cu Mario Lobo a bira campeon, Andy Gomes a keda na di dos luga y James Letren a keda na di tres luga. Den e categoria Masters e prome lugar a bay pa Alfred Leong, e di dos luga a bay ap Franklin Lopes, e di tres lugar a bay pa James Letren y e di cuanter lugar a bay pa Fabio Marco Tulli.
Un danki sigur na Lotto, E Loteria di Aruba pa medio di Comision di Subsidio cu a subsidia e torneo di tennis di mesa organisa pa Aruba Table Tennis Association en conexion cu e ASU Olimpiada.
Cumprando weganan di Lotto, E Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.