Despues di un tiki mas cu dos luna e Copa Aruba den dobel den e deporte di tennis di mesa a yega su final unda nos a conoce e diferente gandonan di e campeonato aki. Mester bisa cu for di luna di september e ekiponan a cuminsa bataya fuertementecontra di otro den e diferente categorianan. E weganan tur tabata riba e bon nivel tanto den Open y B-klas
Pa loke ta e resultadonan di e Copa Aruba den Dobel nos tin B Klase prome lugar a bay pa Robert Dirksen y Bob Chung, e di dos lugar a bay pa Jhon Dirksen y Mikayla Mathilda y e di tres luga a bay pa Gillian Quandt y Laila Marco Tulli. Den e categoria Open nos a haya e prome luga a bay pa Andy Gomez y Mario Lobo, e di dos lugar a bay pa Fabio Marco Tulli y Rudy Raga, mientras na di tres luga a keda Jeandry Mathilda y Ching Ho Chung.
Un danki sigur na Lotto, e Loteria di Aruba pa medio di Comision di Subsidio cu a subsidia e e campeonato di Copa Aruba 2016 den Ping Pong.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.