E federacion di tenis di mesa a tene nan prome torneo di ranking pa 2017. E hungadonan den tur categoria a enfrenta otro pa asina defini nan posicion fiho riba e ranking di ATTA. Tur fin di luna e dicho federacion ta tene nan torneo di ranking. Nos tin e siguiente resultadonan
Den e categoria U10 nos a haya na prome luga e hoben Therron Wijman mientras na di dos lugar a keda Yi Zu Chen y na di tres luga a keda Jeyden Fernandes. Den e categoria U13 nos tin na prome luga e hoben Bob Chung mienteas na di dos luga nos tin Robert Dirksen y na di tres luga Joseline Boekhoudt. Den e categoria U18 e prome luga a bay pa Ching Ho Chung mientras na di dos luga a keda Jean Claude Hoek y na di tres luga Jeandry Mathilda. Despues di esunnan infantil y hubenil a sigui cun’e categorianan di B y A klas. Den e categoria di B klas na prome lugar a keda Wing Chow Leong, na di dos luga nos tin James Letren y na di tres luga a keda Zhao Xie. Por ultimo den A Klas e bataya tabata fuerte unda Mario Lobo a termina na di prome luga sigui pa Andy Gomes cu a keda na di dos luga y Franklin Lopes cu a keda na di tres luga.
Un danki sigur na Lotto, e Loteria di Aruba pa medio di Comision di Subsidio cu a subsidia e torneo ranking di Aruba Table Tannis Association.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.