Recientemente Aruba Table Tennis Association a tene un torneo den e categorianan infantil y hubenil na honor di e gran hungado di tenis di mesa, Sr. Alfred Leong. E weganan a tuma luga na IBISA San Nicolas. Mester bisa cu e torneo tabata bon atendi den tur e categorianan mientras e esunnan presente por a presencia un bon nivel di tenis di mesa. Den e categoria under 10 e prome lugar a bay pa Theron Wijman , na di dos lugar a keda Ziyu Chen y na di tres lugar a termina e hoben Jayden Fernandes. Den e categoria under 18, aki e prome luga a bay pa Joseline Boekhoudt, na di dos luga a keda Wha Hang y na di tres lugar e keda e hungado Dwayne Koolman
Un danki sigur na Lotto, e Loteria di Aruba pa medio di Comision di Subsidio cu a subsidia e torneo di tenis di mesa na honor di e gran hungado Alfred Leong.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio