E team di Aruba tin un solo meta y a registra pa asina confirma nan participacion na e Pan Americano di Taekwondo na San José, Costa Rica. E team ta train dos biaha pa dia bou supervision di ex campeon Mundial, Salon di Fama y coach Olimpico di varios pais, Henk Meijer. Henk Meijer ta pone hopi enfasis ariba e ultimo desaroyonan actual di Taekwondo. Training lo sigui asina e siman aki te cu diaranson, pasobra e muchanan mester pisa pa nan bringa. Training a sigui diadomingo mainta y atardi mirando cu Costa Rica ta 3300 pia ariba nivel di awa “altitud”.
Aruba su team ta consisti di Joshua Klabér, Chiarra Petrocchi, ZáhyonKlabér y CharrickWinterdaal. Teofilo Rodriguez y Henk Meijer ta e dos coachnan cu lo bay coach e team y nos ta conta cu medaya pa Aruba.