Aruba ta spera maximalmente 150 mil bishitante crucero den 2021

E periodo conservativo a cambia pa cautelosamente optimista pa loke ta cifranan di turismo. Manera por corda, basa riba desaroyo mundial den e pandemia, a traha riba tres diferente proyeccion pa 2021, CEO di ATA Ronella Croes a bisa den un entrevista.

Na e momentonan aki Aruba ta spera entre 50 y 150 mil bishitante e aña’ki. Esaki ta nifica cu pa loke ta turismo crucero ainda Aruba ta aplica e cuadro conservador. Prome cu e pandemia, Aruba a ricibi rond di 800 mil bishitante crucero. E cifranan conservador ta inclui e bishita di dos crucero cu lo cuminsa entrante luna di juni, mientras cu ta trahando riba calls adicional cu Royal Caribbean Cruise Lines y Norwegian Cruise Lines. Siman pasa a reuni cu diferente linea crucero. El a recorda cu e biahenan crucero cu ta inicia na juni lo ta saliendo for di Sint Maarten.
Aruba ta enfoca pa finalisa e protocolnan pa turismo crucero ya cu CDC a anuncia siman nan ta trahando tambe pa protocolnan di turismo crucero pa p’asina biahenan crucero saliendo for di Miami lo por cuminsa atrobe.

Prome cu esey, stakeholdernan ta cuminsa drenta e ciclo di prepara pa e industria aki habri su portanan. Ta cuminsa cu e protocolnan pa e diferente sectornan y awo ta bay un poco mas profundo pa e prome bishitantenan di crucero. Tur esnan cu biahe riba e barconan mester ta vacuna, y esnan bou di 18 aña mester presenta unresultado negativo di test.
E bishita di e barconan ta cada dos siman y abordo e ocupacion por tasolamente 50%.

Comments

comments