E di dos edicion di ABC Beach Tennis Cup a tuma luga e fin di siman cu a pasa, for di dia 22 te 25 di maart, na Boneiro.
E evento deportivo ta atrae hungado di taya for di cada isla pa bataya pa nan respectivo pais. Cu 80 team y 160 hungado total a inscribi pa e Copa ABC, tabata un torneo completo pa bataya.
Sosteni como parti di e Siman Internacional di Deporte di Boneiro, e torneo a yama un bonbini n’e atletanan di Aruba cu a sa di gana hopi medaya di oro, subrayando nan dominio den e deporte.
Entre e categorianan ta haya cu Aruba particularmente a sobresali den e divisionnan di Male and Female Advanced, como tambe e division di Female Open.
Den e categoria altamente competitivo di Female Open (nivel halto), Maria Buuts y Eugemine Ignacio di Aruba a domina e competencia, sigurando e medayanan di oro cu nan prestacion sobresaliente durante un wega intensamente duro contra Farah Mesbahi y Inge Vos di Boneiro.
Den e categoria di Male Advanced, Anderson Giel y Amaro Maduro a mustra nan habilidadnan excepcional y determinacion pa logra e victoria.
E division di Female Advanced a ilustra un final completo di Aruba, cu Jenna El Oualkadi y Rixt Kramer sali como victorioso, mientras Yentl Lieuw y Jacomien Aleman a representa Aruba como sub-campeon, fortifikando ainda mas e dominio di Aruba den e Copa ABC.
E torneo anual tambe ta duna un bon indicacion di e nivel creciente di beach tennis riba e islanan individual y e resultadonan ta visibel den e categoria di Open Male cu un final tur Boneriano hunga pa Jerry Lomp y Sigrel Burnet contra e campeonnan Tim Eikholt y Joeri van Bon.
‘
Resaltando e camaraderia y trabou en ekipo fomenta pa evento manera e ABC Beach Tennis Cup, e torneo tabata un oportunidad p’e hungadonan di e islanan cerca pa bin hunto, disfruta di e deporte, y conectá.
E Campeonato di Beach Tennis di Aruba, cu ta tuma luga tur november na Bushiri Beach, ta un di e eventonan mas grandi di beach tennis na mundo, atrayendo hungado for di tur caminda. Boneiro regularmente ta manda alrededor di 50 hungado pa e evento aki, pues ta natural pa Aruba pa debolbe e fabor bishitando e facilidad di beach tennis cu ta expande di Boneiro, fortifikando ainda mas e conexion entre e islanan ruman.
Mirando bek riba e impresionante prestacion di Aruba durante e fin di siman na Boneiro, Marc Kiezebrink di Beach Tennis Aruba bisa cu e ta increiblemente orguyoso di e logro di e atletanan, atribuyendo nan exito na nan dedicacion indudabel y trabou duro. El a enfatisa e popularidad creciente di beach tennis globalmente y cerca e islanan ABC dunando nan un aplauso n’e hungadonan di Aruba pa lidera e carga un biaha mas.
Pa mas actualisacion y informacion tocante Beach Tennis Aruba, bishita www.beachtennisaruba.com.
