Aruba un bes mas lo ta anfitrion di un otro evento deportivo grabdi riba nos isla ora cu e Federacion de Bowling de Aruba (ARBAS) lo organisa e di 10 campeonato Sur Americano di bowling Senior y Super Senior 2017. Un total di 111 atleta a registra te cu awor aki pa e torneo cu lo inicia dialuna awor. Aruba cu ta forma parti di e Confederación Sudamericana de Bowling ta masha contento di por organisa Campeonato Sur Americano den e senior y Super Senior masculino y femenino.
Mas cu claro e acomodacion di e Eagle Bowling Palace, e cas di bowling na Aruba lo host e magno evento aki. E categoria senior ta minimo 50 anja mientras e categoria super senior ta minimo 60 anja. Ta spera participacion di bolicheronan di Argentina, Brazil, Chile, Bolivia, Colombia, Peru, Panama, Ecuador, Paraguay, Uruguay, Venezuela y nos propio atletanan di Aruba. Dialuna dia 24 di April lo tin e ceremonia di apertura mientras e weganan mes lo inicia diamars mainta dia 25 di April pa 9or di mainta. Diasabra 29 di April lo clausura e torneo cu e gran finalnan.
Un danki sigur na Lotto, e Loteria di Aruba pa medio di Comision di Subsidio cu lo subsidia e di 10 campeonato Sur Americano di bowling Senior y Super Senior 2017 na Aruba.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.