Riba e mainta di diahuebs na Archivo Nacional tabata tin e conferencia den coneccion di dia di abolicion di Sclavitud na e islanan den Reino Hulandes y Surnam. Minister Xiomara Maduro a dirigi palabra y a bisa; cu den conexion cu e conmemoracion ta bay brinda informacion di e historia di abolicion di Sclavitud na e pais Aruba. Dia 1 juli 2023, ta comemora 160 aña di abolicion di Sclavitud den Reino Hulandes pa e colonia di antias hulandes y tambe surnam. Tambe ta wak e importancia pa brinda e informacion na e comunidad, e meta ta pa concientiza e comunidad riba e historia di abolicion di Sclavitud na Aruba. Durante e conferencia a ser presenta e logo Nobo ‘Sclavitud Parti Di Nos Historia’, docente Kenny Meyers, diseño Sarah-Isabel Lee, Silvia Andrea Lee, Nicolas Lee, tabata e creadornan di un bunita logo. Nan lo brinda mas informacion di e tema y e historia riba dos canal di television local, y lo tin encuentro den e barionan pa intercambia di informacion riba e tema aki.
Representante di unoca Marvin Odor tambe tabata presente y a hiba palabra.
Unoca lo ricibi e suma di 25 mil euro pa uza pa e aña di conmemoracion. Unoca ta un fondo Cultural Arubiano, cu ta existi di 1986 y pa mas di 35 aña Unoca ta inverti den cultura di Aruba, e experiencia y e trayecto a haci cu nan a pone e confiansa den Unoca pa maneha e fondo pa e aña di concientizacion, esaki ta un tarea cu ta wordo tuma na serio y e tema di Sclavitud mester wordo trata cu respet.
Raymond Hernandez Director di Archivo Nacional Aruba
A bisa cu Archivo nacional na aña 2008 a termina cu e prome inventarisacion riba papel di henter archivo colonial cu a wordo ehecuta pa e difunto; Sr. Henriquez y cu awe Archivo Nacional por haci uzo di dje pa pone online ta danki na dje. Tambe el a conta un poco di e historia di Sclavitud y con esaki tabata na Aruba, despues a invita pueblo di Aruba pa bishita Archivo Nacional, pa exposicion y conoce mas di e historia di Sclavitud cu nos no tabata sa.