A puntra Prome Minister di Aruba si cos sigui asina entre nos islanan y Venezuela kico lo por pasa cu Citgo, pa cual Prome Minister, Sra. Evelyn Wever- Croes ta amplia mas.
Citgo ta halto ariba e agenda di e gobierno actual, ya cu nan kier haya claridad unda nan ta para. Manera ya a wordo anuncia, gobierno a laga haci un investigacion ariba e contract y compara cu loke a Citgo a inverti caba, pa asina duna conseho si Citgo ta den cumplimento si of no. Cada biaha e compania ta pidi informacion nobo.
Citgo mes di su banda mes no a duna claridad di unda nan ta para, y dimes nan mes tin hopi cos cu ta confuso, despues cu e top di Citgo a wordo deteni. E siman aki lo tene un reunion na Aruba entre Citgo y gobierno, pa haya mas claridad. Ta spera cu pronto gobierno haya sa kico ta kico di e contract. Si nan ta den cumplimento cun’e, si nan ta bay cumpli cun’e of no, tur esey ta contestanan cu gobierno lo kier haya sa.
Goberna ta un continuacion y e contract ta firma door di un gobierno legitimo di Aruba, pa cual Aruba ta mara na e contract aki tambe, a pesar di e situacion di crisis cu Venezuela ta pasando aden y tambe e actitud di gobierno di Venezuela pa cu nos isla. Gobierno ta keda mara na e contract te ora cu haya claridad for di e investigacion di e contract, segun Prome Minister di Aruba, Sra. Evelyn Wever- Croes.