Durante segundo siman den October a tuma luga un Congreso Mundial di WBSC esta World Baseball and Softball Confederation cu participacion di alrededor 200 pais. Esaki a tuma luga na Botswana Africa unda gobierno di Botswana a inverti alrededor di 1 miyon dollar pa por cubri gastonan grandi envolvi pero alabes cu e vision cu un inversion den deporte ta un inversion sano den futuro di un nacion. Pa Africa esaki tabata un congreso di suma importancia cu e meta pa inyecta amor den e deportenan di bala y bate cual ya caba ta den desaroyo na Africa. Endy Croes y Francisco Chipen a representa Softball ( ASB) mientras cu Reynaldo “Reychi” Geerman a representa Baseball (ABBA). Un Congreso cu un programa extenso cada dia di mainta te cu anochi unda separa di e eleccion cu a tuma lugar decisionnan grandi a wordo tuma al respecto ambos deporte. Aruba sinembargo a probecha reunionnan individual cu diferente presidentenan di diferente pais pa asina adkiri mas ayudo pa desaroyo. Delegacion di Aruba a reuni cu Softball Canada y tambe USA Softball. Den un bon cooperacion Aruba lo por manda algun coach pa programanan anual interesante presenta pa coachnan di seleccionnan nacional di Canada y USA pa asina amplia nos conocemento cu tecnicanan moderno. Aruba a firma tambe un acuerdo bilateral cu e presidente nobo di Federacion di softball di Venezuela Sra. Maria Soto porcierto un bom amiga di Aruba. Strategicamente Venezuela lo combini Aruba hopi actualmente y segun e acuerdo aki ambos seleccionnan nacional femenino y masculino por biaha na cualkier momento pa Venezuela pa weganan di fogeo contra nan seleccion Venezolano y tecniconan di Venezuela lo ta cla pa yuda nos pitchernan pa hiba nan un otro nivel. Tambe Venezuela lo ta dispuesto pa manda Aruba 5 di su miho pitchernan di fastpitch Aruba pa lansa pa 5 diferente ekipo den un liga special den 2018 pa un temporada di 45 dia pa asina Aruba por custumbra mira mas y mas e picheo internacional. Presidente nobo di WBSC ( Division Softball) Tommy Velazquez tambe a firma un acuerdo di apoyo pa cu Aruba. Lo ricibi ayudo por ehempel pa desaroya nos tecniconan, umpirenan etc. Dirigentenan di Colombia Eduin Diaz, Tony Morales y Javier Anaya ta dispuesto pa cubri alohamento y alimentacion pa 1 seleccion femenino y 1 seleccion masculino pa 7 dia den 2018 pa bay train na Colombia . Pues den un solo palabra separa di a asisti na e congreso Mundial Aruba a logra hopi door di e bon networking di su dirigentenan local. Manera tur dirigentenan internacional a accentua cu awor ta e atletanan nan “mindset” mester ta esun corecto cu un animo halto pa prepara pa e otro nivel unda nan ta para cla pa yuda. Pabien Aruba.