Sr. John Arends, di Aruba CBD ta na Aruba, pa asina tambe ta presente na e Prome Aruba Medical Cannabis Conference, cual lo tuma luga den Renaissance Conference Center e fin di siman aki.
Sr. Arends a splica cu e ta na Aruba pa conscientisa tur hende, pa kita e taboe. Hopi hende ta manera spanta, door cu hopi hende a mal uza e producto aki y a saca informacionnan eroneo di e producto aki. Pa ta sincero, e producto ta den baho mundo y door di esaki a crea e vision malo ariba dje. Ultimamente e hendenan a cuminsa ripara cu mas y mas e producto aki tin su beneficio medicinal tambe cun’e. Aki na Aruba, ta un lastima si, ta un di e poco paisnan cu no a legalis’e ni como medicinal ni como suplemento alimenticio ainda. Y hendenan ta pidiendo cun’e. Ainda Corsou no a legalis’e, pero si nan tin acceso na dje. Aruba, pa ta parti di Reino Hulandes, nos ta full atras. Full Europa a adapta e sistema caba. Na final di dia ta un paspoort Europeo nos tur tin.
Sr. Arends a sigui bisa cu tur hende conoce un otro hende cu ta uzando e of ta willing pa uze. E por splica di tur e beneficionan, pero e ta laga esaki pa e specialistanan den e ramo, cu a studia di esaki pa hopi aña. Algun di e specialistanan aki tabata full contra di dje. Y awo nan a wak e diferencia y a bay mas diep den dje, specialisa den dje. Y awo nan ta na Aruba pa conscientisa mas ariba dje. Y e ta un oportunidad unico, pa cual ta bon pa bin tende di e specialistanan y no di otro hende.
No kier forsa niun hende tuma cannabis medicinal, pero ta invita tur hende pa skucha, amplia nan educacion y nan conocemento ariba e producto. E decision ta keda na cada ken. Ta spera cu un dia lo por yega na uz’e como suplemento alimentario.
Tambe Sr. Arends a sigui bisa cu mester acepta e realidad y esaki ta cu a papia malo di cannabis medicinal, pero tin hende cu a abusa di dje. TIn hende cu a haci’e, te cu awendia ta wak e producto aki cu mal cara. Awo ta bezig ta conscientisa tur hende cu e producto tin su parti bon tambe. Y naturalmente, si traha un sistema cu por vang op e uzo di esaki y tambe educa e hendenan na e manera corecto, lo no tin e problemanan aki mas. Mester tene na cuenta cu cannabis ta algo natural. E mata ta un mata natural.
A tene un reunion cu FADA y a dicidi cu Aruba CBD lo join FADA durante e FADA week di otro aña. Locual ta e punto di bista, ta e educacion di personana, cu si mal uza cannabis, e ta un droga. Unabes cu e ta procesa como remedi, e no ta droga mas y tampoco como suplemento alimentario.
E punto ta cu si ta huma e marihuana, a pesar di cu mester ta realistico, cierto malesanan cu ta pone cu huma mester hum’e. Na luganan grandi, manera Merca, Canada of Europa, ta purbando pa enbes di hum’e, pa vape esaki. Humamento no ta bon pa e sistema. Pero si tin cierto malesa cu ta e humamento di marihuana ta yud’e, manera malesanan di pulmon. Pa loke ta trata malesanan di nervio, e ta bin den forma di syringe, cu ta bin den forma di hangua, pero e no tin e hangua na dje. Pero pa motibonan di e forma con e azeta ta, ta press e sak’e afo, e ta sali na grandura di un pipita di aros, pone bou bo lenga, y esey ta calma e nervionan. E ta bin den forma di un gel. Ta haya diferente strain.
Mas halto e strain ta, e ta pa malesanan mas cronico, malesanan mas pisa, cosnan asina. Pero tambe tin e THC, cu esey si ta medicinal. Esaki bou di ningun circumstancia no por bin den forma di suplemento alimenticio. Esey ta uno cu ta cura malesanan, segun Sr. John Arends, di Aruba CBD.