Plataforma pa Hobennan profesional ta e division mas nobo di partido AVP. Mescos cu otro institutonan di partido, e plataforma tambe a haci su compromiso na pueblo. E plataforma aki ta consisti di hobennan profesional y studiantenan di diferente facultad di Universidad di Aruba. E miembronan actual cu ta asistiendo e Facultad di ley ta Juan Kelly, Jessica Burgos, Wendrick Cecilia, Wendert Cecilia, Timothy Fowler y Gerick Croes cu alabes ta un graduado caba di e Facultad Financiero Economico. Di Facultad di arte y ciencia tin como miembro Victoria Sequera Lopez. Tambe tin miembronan profesional cu ta laborando caba Kamilah Dammers.
Parti di e compromiso ta activa un “Tienda di Ley” cu lo ta encarga di cu e servicio comunitario di brinda asistencia legal na ciudadanonan di Aruba. Logicamente esaki lo ta conhuntamente y den cooperacion cu esunnan cu tin experiencia caba riba diferente area di ley y cu coaching di Lider partido AVP, mr. Mike Eman.
E projecto di Tienda di ley a keda concretisa diasabra ultimo den un reunion entre Lider di AVP, mr. Mike Eman y e studiantenan di Universidad di Aruba (UA) cu ta forma e hala di Plataforma Hobenan Profesional (PHP). Apertura oficial di Tienda di Ley ta Diasabra 15 di September pa 2’or di atardi na Cas di Partido. Lo tin un ceremonia simbolico pa inicia e proyecto aki y lo atende esunnan cu yega di biaha tambe.
Pueblo y alabes studiantenan di UA cu ta interesa den haya of brinda asistencia cu e proyecto aki ta bon bini.