Den fin di siman for di 22 pa 27 februari 2021 a tuma lugar e campeonato Copa Panamericao y e Colombia Open.Sub-15 y Sub-17. Tabata tin un participacion di 248 atleta masculino y femenino di 16 pais di Continente Panamericano. E competencia a wordo dirigi for di Colombia virtual via ZOOM. Aruba a participa cu e delegacion cu ta consisiti di 1 atleta femenino y 5 atleta masculino. E competencia a tuma lugar den Compleho Deportivo Frans Figaroa na Noord. Nos prome atleta cu a bin den accion ta Caytlynne Lanoy den categoria di 49kg Sub-15 tabata tin 10 atleta den su categoria ta logra den su hisadanan den snatch 43kg, clean & jerk 56kg pa un total di 99kg ta termina na di 7 lugar.esaki ta prome competencia internacional di e atleta aki y a haci un bon presentacion,
Den categoria di 55kg masculino Sub-15 tabata tin 8 atleta y nos tabata tin dos hisador e prome ta Derrick Webb cu a logra den snacth 48kg y clean & jerk 61kg pa un total di 109kg ta termina na di 7 lugar y ta kibra su record personal. Trevor Faro ta hisa den snatch 51kg, clean & jerk 60kg pa un total di 111kg ta termina na di 6 lugar. Travor tambe ta kibra su record personal.
Den categoria di 89kg SUB 17 nos ta hanja Jeremy Dijkhoff cu 6 atleta den su categoria. Jeremy mester a bataya duro pa lugra den su hisadanan den snatch 101kg, clean & jerk 129kg pa un total di 221kg. cu e total aki Jeremy ta logra gana 6 medaya di brons pa Aruba. Prome lugar medaya di Oro a bai pa Mexico cu 256kg total y medaya di Plata a bai pa Colombia cu 239 total.
Otro atleta cu ta hisa pa prome biaha ta Ender Ortiz cu a hisa den categoria di 96kg Sub-15 ta tabata tin 3 atleta den su categoria ta logra den su hisadanan den snatch 60kg, clean & jerk 75kg pa un total di 135kg. cu e total aki Ender ta gana 6 medaya di Brons pa Aruba. Medaya di Oro a bai pa Ecuador cu 195kg total y medaya di Plata a bai pa Chile cu148kg total.
Por ultimo nos ta hanja Ethan Ruiz cu a hisa den categoria di 102kg tabata tin tres atleta de su categoria y mester a bataya duro contra e atleta di Chile pa asina logra gana 6 medaya di Plata den su categoria. Ethan ta logra den su hisadanan den snatch 57kg, clean & jerk 71kg pa un total di 128kg. Ethan cu e total aki ta kibra su record personal. Medaya di Oro a bai pa Ecuador cu 155kg total y medaya di Brons a bai pa Chile cu 127kg total
Aruba Amateur Weigtliting Association kier a manda palabra di pabien na tur e atletanan cu a participa, kibra nan record personal y esnan cu a gana medaya pa pais Aruba y palabra di gradicimento ta bai pa Entrenador Internacional Walter LLerena for di Ecuador y tur voluntario nan cu a juda den e Campeonato Copa Panamericano y Colombia Open.