Diamars 8 di mei 2019 yamada a drenta via nos Central di Polis cu un auto a dal un persona riba e crusada di Professor Lorentzstraat cu Emmastraat. Cu maximo urgencia el a wordo hiba pa hospital.
Awe diahuebs, yamada a drenta via Central di Polis cu pa 1.05 am dokter a constata morto di Angel Colina, naci na Venezuela dia 11 februari 1925.
Nos di Cuerpo Policial kier a manda palabranan di condolencia na e famia di e fayecido.