Bin tur hunto pa e actividad di Earth Hour. E accionnan di awe por cambia nos mañan, ban haci’e hunto.
Earth hour di e aña aki lo ser observa diasabra 25 di Maart, desde 8:30 pa 9:30 ora local. E aña aki ta celebra e di 10 anniversario di e actividad di Earth Hour.
Na Aruba e actividad di e aña aki ta bay concentra den un accion di paga luz riba henter e isla pa un ora largo.
Durante e ora aki hopi hotel lo ta pagando nan luznan no esencial sosteniendo e causa aki, cu participacion activo di ATA y AHATA.
Cada persona por participa individualmente of cu coleganan of amigonan, den famia, na unda cu bo por ta. E ta un accion di promove responsabilidad cu nos planeta.
E concepto ta simpel, djis paga lusnan no-esencial of decorativo pa un periodo di un hora. Earth Hour ta ser organisa pa World Wide Fund for Nature (WWF), cu e fin di promove e uso di bicicleta. E ta un actividad cu ta bay na fabor di e ciudadano y tambe nos medio ambiente.
Earth Hour ta un movimiento global pa hisa e conciencia pa cambio di clima y impacto den medio ambiente. Earth Hour a cumisa como un actividad di paga luz na Sindey Asutralia na 2007. Desde e tempo ey el a crece y bira una actividad cu ta uni mas di 172 pais y teritorio den henter mundo, cu mas di 7,000 ciudad participando den e actividad di e aña aki.
Cu e celebracion mundial di 10 aniversario di Earth Hour. Hopi ciudad a anuncia nan participacion cu accionan di paga luz di nan monumentonan mas famoso, manera e Ciudad Prohibi di China, e Toren Eiffel di Paris, Table Mountain di Capetown, E gran piramidnan di Egipto, E Palacio di Buckingham di London, e estatua di Cristo Redentor na Brazil, Niagara y Victoria Falls, Empire State Building na New York, e Opera House di Sidney y hopi mas.
Nos mama Tera lo gradici nos y tambe di parti di Earth Hour Aruba Community Group.