Aruba y Aruba Volleyball Association tin e honor di ta e Cede y Organisador di e “1° CAZOVA Youth Olympic Games Qualification Championship” cu ta bay tuma lugar ariba e dianan 7 & 8 di juli proximo.
Caribbean Zone Volleyball Association (CAZOVA) ta organisa pa prome biahe un Campeonato Clasificatorio di Beach Volleyball Hubenil entre e Paisnan den Caribe unda e Pais Campeon di e Weganan aki lo clasifica directamente pa e “Youth Olympic Games” cu ta tuma lugar na Argentina durante luna di oktober 2018.
Hobennan – femenino y masculino – entre e edadnan di 15 y 18 aña di 6 Pais den Caribe lo ta competi contra otro y Aruba lo wordo representa pa e hobennan femenino KAYLA ARENDS y MALI RAFINI y pa e hobennan masculino BRIAN HOWELL y RAIBIENTLY MERCALINA.
E Paisnan cu ta yegando Aruba cu nan Teamnan Femenino y Masculino pa competi na e Competencia Internacional aki di Beach Volleyball ta JAMAICA, SURINAME, HAITI, TRINIDAD & TOBAGO, US VIRGIN ISLANDS Y ARUBA.
E santonan blanco na Eagle Beach (pabao di Tropicana Beach Resort) lo ta e Cede di e “1° CAZOVA YOG Beach Volleyball Qualification Championship”.