Comision Nacional cu ta encarga cu proceso di implementacion di e Metanan pa Desaroyo Sostentibel (SDG) di ‘Nacionnan Uni’ ta invita representantenan di sector publico, sector priva y organisacionan no gubernamental pa ‘Aruba Sustainable Action Forum’ cu lo tuma luga dia 21 di Februari, 2017. E foro ta pa informa y alinia perspectivanan riba e proceso di implementacion di e Metanan pa Desaroyo Sostenibel na Aruba y tambe pa stimula partnership entre e diferente sectornan.
Durante e ‘Aruba Sustainable Action Forum’ Prome Minister Eman ta elabora riba con e vision di Gobierno di Aruba y e Metanan pa Desaroyo Sostenibel ta complementa otro pa asina yega na un sociedad sostenibel y prosperidad comparti. Representante di United Nations Development Program ta elabora riba con UNDP ta asisti Aruba den e proceso di implementacion. E Comision Nacional lo presenta e metodo y proceso cu ta wordo uza pa garantisa un implementacion exitoso. ‘Aruba Center Of Excellence’ ta presenta nan participacion den captura e conocemento di e proceso di implementcion y comparti esaki cu otro islanan rond mundo. Tambe expertonan riba e topico di conosemento lo duna un lectura con pa crea partnerships entre e diferente sectornan y tambe con pa captura y comparti conosemento entre e partnernan.
Aruba ‘Sustainable Action Forum’ ta tuma lugar dia 21 di Februari, 2017 di 8.30 am te cu 12.00 pm na Crystal Theater. Pa atende e foro aki porfabor registra via email na [email protected].