Recientemente tabata tin e Florida Caribbean Cruise Association Conference na Puerto Rico, na cual Sr. Humphrey Tromp, director financiero di APA tambe a participa, y pa cual e ta amplia mas di conferencia aki.
Den e conferencia aki APA a participa hunto cu ATA, caminda nan a reuni cu liñanan crucero di Princess Line, Royal Caribbean, Holllander American Line, etc. Aruba ta bayendo hopi bon. Caribe ta keda e destinacion nr. 1 pa loke ta e liña cruceronan. E problema ta keda e low season, y mester busca e manera pa keda activo. E ultimo dos pa tres añanan, esaki ta fluctua cual ta hopi mas miho cu añanan anterior.
E aña cu a pasa, Aruba a kibra un record di riba 700 mil bishitante crucero. Tur cos ta mustra cu ta keda ariba e mesun nivel of lo surpasa. Esey lo haya na fin di aña. Pa Sr. Tromp, esey ta hopi importante pa Aruba mantene un base solido, di 750 mil turista crucero.
Na Puerto Rico, un sondeo di BREA a resulta cu e average total a baha cu 2%, per Aruba a crece di 112 $ pa turista crucero pa casi 122$. Aruba, contrario na otro destinacionnan, su averahe a subi. Manera e sondeo ta indica, cu’n averahe di 90% cu ta baha ora yega destinacionnan. Riba barconan ta haya repeaters y esey ta importante pa tin algo nobo. Bo tin cu keda innova, no por keda brinda e mesun producto. Si e turista a bin 2 pa 3 biaha caba, si no tin nada nobo, e lo no bay baha.
E noticia improtane ta cu Miami ta hopi congestiona, den e siguiente 10 añanan ta bay tin diferente barco adicional cu nan ta bezig ta trahando, barconan ta birando mas grandi. Por mira cu Puerto Rico lo por bira e proximo homeport. Pa loke ta e rutanan, e rutanan mas gusta ta esunnan di shete dia. Esunnan cu ta sali for di Miami, ta dura 11 dia pa yega Aruba. Esunnan di 7 dia, cu mas frecuencia lo por ricibi e barconan aki.
Freedom of the Seas lo keda bin Aruba te cu 2020. Ta combersando cu Royal Caribbean, hunto cu e director nautico di APA, unda cu tin cierto plannan pa acomoda nos infrastructura pa ricibi e Ocean Class of Allure. A caba di cumpra diferente fendernan. A traha boldernan di 150 ton y otro aña lo traha 3, y pa 2020 lo traha 3 mas, pa un total di 6.
APA ta bay haci mas pa por acomoda e barconan aki. Y ATA ta papia hopi tocante e product development. E intencion ta pa keda den contacto cu e ehecutivonan di liña crucero, segun Sr. Humphrey Tromp, director financiero di APA.