Hopi hende ta kere cu nos camindanan ta malo, cual esaki no ta e caso. Loke ta pasa ta cu mundialmente den e ultimo 3 lunanan di aña, semper e centro di ciudad ta mas druk, segun director di DOW, Marlon Croes.
Desde fin di September, pa fin di aña ta conoci cu esey ta intensifica y nos tambe no ta otro for di dje. Esey tin cu deal cun’e y lamentablemente tin cu bisa cu tin algun caminda cera den Playa cu ta trahando awor aki. Por ehempel tabata tin Emmastraat cera y Emanstraat, cu ta habri awor aki y consecuentemente esey ta trece un tiki stagnacion aki aya. Pero intencion ta cu tin full pa prome cu dianan di fiesta tur e camindanan den Oranjestad habri bek. No ta kita afo cu trafico lo keda congestiona, mirando e temporada cu nos ta aden. Ora cu e solucion structural cu lo bay tin ta, ta e parti ora cu caba di construi Watty Vos Boulevard mayoria trafico cu ta pasa door di Oranjestad di pariba bay pabao, ta pasa rond, unda cu ta bay haya un miho fluho den Oranjestad y tambe pafo.
DOW tin un otro plan pa por yuda e fluho den Oranjestad. Esey kiermen ta bay cambia algun caya cu tin un solo direccion, ta haci nan dos direccion. E ta den planificacion keto bay y ta spera cu lo por haci’e den curso di otro aña. Cu tur medida tuma den dje pa tene e velocidad den e cayanan aki mas abao y manera safe, pero ta haciendo tur trabao necesario pa prepara y haci tur e conteonan y ta spera cu otro aña por tin’e cla pa ehecuta.
Segun Croes, awor aki no tin un ruta alternativo estableci pa truck. Manera cu ta conoci, waf a move pa Barcadera y e unico direccion ta via di Oranjestad pa yega parti pabao, unda cu tur wholesaler y supermercadonan ta. Esey a trece cune cu tin cu pasa aden. Na momento cu tin un ruta alternativa mas miho, por saca nan afo y esey ta trahando riba dje. Watty Vos Boulevard lo tin cu carga e funcion ey.