Diasabra ultimo tabatin prome training na Baby Beach despues di vakantie pa di 8 TK na Surinam. Nos kier logra nos meta y ta prepara e team bon y a cuminsa cu un training intensivo na Baby Beach riba santo blanco. Nan a train hopi riba forsa di nan pianan. Training den veld semper ta mas duro cu ora ta train den gymzaal. Aruba tin 7 aña consecutivo ta gana e copa di TK na Surinam y ta train cu e team di cadet cu e meta pa gana e di 8 TK. E aña aki ta e prome biaha cu nos ta bay participa cu 4 atleta enbes di 5 atleta, pasobra esaki ta e cambio cu a bin desde aña pasa November y awo ta bay wordo usa na Surinam. Aruba su team ta consisti di e siguiente atletanan: Samuel Rosario di Noord Taekwondo Center bou guia di Grand Master Chaco Cornelio, Master Melvin Rasmijn, David Dubero y Joshmar Wever. Roderick Tromp, Danon Delamore y Joshua Klaber di Brazil Taekwondo Stichting bou guia di Master Alberto Klaber & Sons. Jourde y Zahyon Klaber ta bay coach e team di Aruba na Surinam.