Na e momentonan aki Departamento di Impuesto ta sacando naheffingsaanslagen pa BBO, Motorrijtuigbelasing, y diferente otro belastingnan. Sra. Meverly Romano, vocero di Departamento di Impuesto ta splica.
Den nos sistema di belasting, nos conoce dos categoria, principal ta e loke nos conoce nos aanslagbelasting y aangiftebelasting. Aanslagbelasting ta Succesiebelasting y Inkomstenbelasing. Y Aangiftebelasting ta BBO, Speelrechtvergunning, e tipo di belastingnan ey. E diferencia principal entre e dos categorianan ta cu Aanslagbelasting, e persona, e cliente ta hay’e despues cu e inspector a controla su declaracion. Y el a fiha p.e. Kico ta su entrada fiscal y a base di esey, e ta bay cobra e belasting. P.e. Inkomstenbelassing, tur ta yena un declaracion, y ta entreg’e y ainda no sa kico ta e suma di belasting oficial cu ta bay paga. Despues cu Inspector control’e, e ora ta bay fiha kico ta e suma principal cu tin di paga.
Pa loke ta Aangiftebelasting (BBO, LB, etc.), e cliente ta bereken, calcula e belasting cu e tin cu bay paga. E comerciante den caso di un BBO, e ta calcula e belastin cu e tin cu bay paga, e comeciante ta wak den su adminsitracion, kico ta e omzet cu e tabata tin cu paga di BBO, BAZV. E inspector no tin participacion den esey tampoco, si e ta haciendo declaracion tampoco. Den e e tipo di belasting ey, si resulta despues cu tin motibo, cu e inspector ripara cu e persona no a paga manera mester ta, e ora ta saca un informacion adicional. E cobransa adiconal ey, ta un naheffingsaanslag. Den caso di Inkomstenbelasting, e ta un aanslagbelasting. Y si cobra extra ariba Inkomstenbelasting, si ripara cu e persona tin mas entrada di loke el a declara, lo saca un cobransa adicional, cu ta un ‘navorderingsaanslag’. Den caso di un aangiftebelasting, e ta bira un naheffingsaanslag.
Un naheffingsaanslag, mescos cu e navorderingsaanslag, no ta nada for di normal di nos sistema di belasting. E ta parti di nos full nos sistema di belasting, caminda cu dado momento un persona no a paga corectamente of no a entrega su declaracion na tempo. E por haya un naheffing. Den caso di BBO, ta haya un cliente kisas a haci su declaracion manera tur hende sa, e tipo di belasting aki tin un deadline. Tur luna mester entrega declaracion y tur luna mester haci pago cu e declaracion.
E fecha final ta dia 15 y si pa e dia aki, e pago of aangifte no drenta, e persona ta bin na remarke pa haya un naheffingsaanslag. Den caso aki, tin dos cos cu ta cana bandi otro y toch separa. E cliente tin deber di entrega e aangifte pero tambe e deber di haci pago. E ta dos cos cu den practica ta hunto. Pero toch e ta dos proceso separa. Den ley di Belasing nan ta wordo indica como dos parti separa. Si un persona no haci aangifte pa dia 15, pero si a paga prome cu e fecha, e no ta haya un naheffing pa e parti di pago pero si pa e parti di aangifte.
Dus tur dos, tanto pa e departamento di declaracion y e pago, e deadline ta dia 15. Si e fecha cay den weekend of den dia di fiesta, esey kiermen cu e deadline ta cay pa e siguiente fecha di trabao. Mester entrega pago y declaracion dia 15. Full e sistema di naheffingsaanslag ta un sistema automatisa nobo, y full e sistema di naheffing ta automatisa.
Si e cliente no cumpli cu declaracion of pago, e ora automaticamente e lo mester haya un naheffingsaanslag. Pero si el a haci e pago despues di e fecha, cual ta hopi ta e casonan cu Departamento di Impuesto ta haya. Cliente mester corda bon cu si ta paga via banco, banco mes ta bisa e cliente cu den caso di transfer, e pago ta dura maximo 3 dia prome cu e bay riba cuenta di ontvanger. E ora berdaderamente tin caso di hendenan cu a haci nan pago, pero solamente cu e pago a drenta laat. Nan a haci e pago laat, of via un transfer, y ora cu e placa a drenta via placa di ontvanger, el a drenta despues di dia 15, e cliente ta haya un naheffingsaanslag.
Actualmente Departamento di Impuesto ta trahando cu e banconan pa coopera y adapta nan sistema di onlinebanking di tal forma, cu e cliente por yena e detayenan mas specifico, vooral ora di paga belasting pa asina Departamento di Impuesto por haya e pago mas lihe, cuc enbes di tarda dos dia, e por haya e placa mas lihe. Si un persona paga un dia 15 atardi na banco, pero ainda e placa no a yega na cuenta di Ontvanger, nan ta wak e fecha cu e placa a wordo deposita ariba nan cuenta di banco. Esey ta loke e cliente mester tene cuenta cun’e, pasobra cu na momento cu e placa wordo pasa laat ariba e cuenta di Ontvanger, automaticamente e sistema ta traha un naheffingsaanslag. Y un naheffingsaanslag ta sali cu boet.
Si un persona no haci aangifte, e ta haya un waarschuwing, e di dos biaha e ta haya 125 florin na boet, y si banda di aangifte e no a cumpli cu e pago, e ta haya boet di 10% di pago. Hopi persona berdaderamente ta yena e vaknan ora di haci e pago, nan no ta pone e nomber corecto di nan empresa. Nan no ta pone e periodo corecto. Nan no ta pone e persoonsnummer. Ta falta datonan, y dado momento, ora di pasa e statement di banco, no por constata ariba kico e persona a paga. Kisas e ta pone un descripcion cu no ta duna mucho informacion.
Banco di Caribe y Aruba Bank a adapta nan sistema na e rekisitonan cu Departamento di Impuesto ta desea. Y asina minimalisa e tipo di foutnan aki. Si un persona bin bisa cu el a haci e pago, prome cos cu ta pidi’e ta su prueba. Un persona unabes e haya un naheffingsaanslag e ta haya un cobransa oficial di belasting, e por keha mondeling, pero semper den tur sistema di belasting, e forma mas miho pa entrega su keho ta por escrito.
Si un pago a wordo haci dia 15, pero el a drenta dia 16 of 17 na Departamento di Impuesto, e naheffing ey ta hustifica. Si e cliente a paga dia 15, e tin cu tene cuenta cu e proceso por tuma 2 dia pa e drenta ariba e cuenta di Ontvanger. Pero ontvanger ta wak e dia cu e pago a drenta ariba e cuenta. E cliente sa cu ariba su declaracion mester cuenta cu transfer ta duma dos dia di trabao. Esey te a parti cu kier tene e cliente pa tene cuenta cun’e. Esey semper tabata asina. Semper ley ta bisa cu e deadline ta 15. Aworaki ta pidi tur cliente pa tene cuenta cu esey, pa ora di haci pago online, pa duna e datonan corecto.
\
Riba cada naheffing tin un barcode, esey ta hopi importante, ya cu esey ta bisa cu ecliente ta pagando ariba tal periodo. Y si e persona yena su betalingskenmerk y su persoonsnummer corecto, ya caba el a yuda hopi caba, y asina procesa e pago corecto pe. Si no duna e dato corecto, e por haya un naheffing despues.
BBO na comienso di aña, comerciantenan ta haya un pakete cu e aangifte di januari te cu december. Kico ta sosode, nan no ta worry kico ta skirbi ariba dje, y ta uza loco. Y ora cu bay procesa e pago, ta mira cu aangifte di maart a wordo entrega, pero esun di luna prome no. P’esey ta bon pa no scrap nada riba e aangifte, sigui e betalingskenmerk, yena e persoonsnummer corecto y yena e nomber di e empresa corectamente. Cada detaye cu por bay fout, ta causa cu e cliente ta haya un naheffingsaanslag y esey no ta bay sali sin boet. Te aki e splicacion di Sra. Meverly Romano, vocero di Departamento di Impuesto.