Vanessa Rasmussen di AHATA tabata tey presente durante un rueda di prensa cu a tuma luga hunto cu ATA, Cuerpo Policial, Blue Blocks y tambe e Comite di Medio Ambiente di AHATA mes y el a splica cu awo tur hende cu ta traha den turismo, mester yuda pa duna mas informacion na nos bishitantenan, cu Aruba kier pa su beach y duinennan wordo cuida.
Esaki tabata un lansamento di campaña di concientisacion pa cuida nos beach y duinennan. Como team a bin cu diferente tools cu lo a presenta caba na diferente compania cu a atende e presentacion. Tabata carrental, companianan di ATV y Tour pa asina nan por siña un tiki mas di loke a wordo treci padilanti. Tambe tabata tin sticker y carhangers cu a presenta. Tambe a pidi nan opinion riba esakinan.
A base di esaki lo bay haci algun ahuste riba nan, pa asina tin disponibel tur e toolsnan aki na tur partner cu ta desea di sostene e campaña aki. Tambe e stakeholdernan lo bay haci uzo di social media, di nan paginan di facebook y websites, pa asina nan por trece e informacion aki pa e turista y localnan.
Ta desea pa asina mas compania sostene e campaña aki. Door cu esaki ta algo cu, manera el a wordo bisa, no ta solamente responsabilidad di un organisacion of di un grupo di hende. E ta responsabilidad di nos tur. Si tin compania cu ta desea sostene e campaña di concientisacion aki, por yama na 5822607 pa mas informacion y tambe por haya, si ta desea, e toolsnan aki. Por hay’e electronicamente, pa asina sostene e campaña.