Sr. Gerald Frank di Aruba Sport Uni lo bay tene un evento special pa hende muhe pa cual aki e ta splica pakico kier haci esaki pa nos hende muhenan.
E evento aki lo tuma luga dia 9 di maart, relaciona cu Dia Internacional di Hende Muhe. Esaki ta un dia specialmente dedica na hende muhe y Aruba Sport Unie lo organisa un evento na e momento ey. Nan lo tin un actividad di 6 or di atardi pa 8 or di anochi y e ta totalmente gratis. Aruba Sport Unie a invita tur e federacionnan y tambe varios organisacionnan cu tin di haber cu fitness pa bin haci un exposicion di nan deporte y nan productonan. Asina aki e hende muhe por cera conoci cu e actividadnan aki y wak e posibilidadnan si nan ta gusta un of otro deporte, cu nan por bira miembro di dje, of at least bay practica e deporte aki.
E idea ta pa haci esaki algo anual, pa aporta tambe na e hende muhenan cu den ultimo añanan, cu menos y menos ta practica deporte. Hopi deporte unda nan tabata tuma parti den dje, actualmente ya no ta existi mas. E idea ta pa stimula esaki y ta haci invitacion na e pueblo en general, pa tur hende muhe bin tuma parti na e actividad aki, cu ta gratis den Centro Deportivo Betico Croes.
Sr. Franka a splica cu nan ta desea hobennan na momento cu nan por practica cualkier deporte di 10 aña bay ariba, bin cu nan mayornan, cu tambe ASU ta desea pa nan practica deporte, cualkier deporte cu nan ta gusta.
E actividad aki lo ta uno pa stimula hende muhe den deporte. Tur hende muhe of un porcentahe grandi di hende muhe tambe ta practica deporte. Ora di bay bek den historia, den basketball tabata tin hopi ekipo di basketball di hende muhe y awo no tin niun. ASU kier trece esakinan bek, pa contribui na deporte en general.