Aruba Sport Unie ta organisando un Funwalk. E Funwalk aki ta sali for di Centro Deportivo Betico Croes y e ta for di 5’or di atardi, bayendo direccion pariba, Urataca, Picaron. Pasa veld di Warawara, Macuarima, via WEMA y bay bek Centro Deportivo Betico Croes, segun presidente di ASU, Gerald Franca.
E ta sigui splica cu e forma cu ta uzando ta cu ta saca e ticketnan, a entrega esakinan na diferente federacion, cualnan lo bende e ticketnan aki y di e forma aki nan ta recauda un fondo y e fondo aki ta pa yuda e federacion y di un otro banda nan ta aporta cu algo bek na ASU, pa asina ASU por cubri e gastonan di e Funwalk aki.
Franca a sigui splica cu e ticketnan ta obtenibel na diferente federacion. E ta 5 florin pa ticket. E evento aki lo tuma luga dia 11 di Maart, cual ta riba un diasabra y lo bay duna, ademas di refresco, lo bay tin juice y tambe lo tin diferente reconocimento na e atletanan cu ta tuma parti. Tur hende cu kier participa, por tuma contacto cu nan federacionnan y e federacionnan cu ta desea ainda di haya carchi, nan por check esaki cu ASU ainda y pa nan por sigui bende e carchinan aki y recauda fondo pa nan mes tambe. Esaki ta un Funwalk cual ta wordo organisa, dia 11 di Maart y e ta sali pa 5’or di atardi, segun Franca.
Ta invita pueblo di Aruba pa participa y pa esnan cu gusta cana, tambe por participa.