UPDATE
Servicio Meteorologico di Aruba ta informa cu un area di awasero, compaña pa strena cu lamper ta acercando Aruba.
Tempo pa awe anochi: parcialmente nubla cu chens pa un awasero pasahero. Den marduga y mañan: Parcialmente nubla cu chens pa localmente algun awasero
Temperatura maximo 31 grado celsius y temperatura minimo 25 grado celsius.
Solo a baha awe nochi 06:23 pm y lo sali mañan mainta 06:29 am.
Biento: modera for di direccionan entre noordoost i zuidoost; forsa 2 te 4 (7 te 23 km/ora, 4 te 12 nudo). Temporalmente variable; forsa 1 (1 to 6 km/hr, 1 to 3 nudo).
Situacion general di tempo:
Den proximo 24 ora atmosfera regional lo ta basta humedo y instabil. Temporalmente esaki lo pone mas nubia forma riba region local cu e ora ey localmente algun awasero cu posibilidad pa lamper cu strena. Algun di e awaseronan por ta localmente pisa y causa molester di wateroverlast.
Condicion di lama:
Olanan di lama lo ta for di direccion oost cu haltura di 2 te localmente 5 pia. E olanan di mas halto na costanan oost te noordwest di e isla den labaderanan modera for di noordoost.
Fenomenonan special: ningun
Tempo tropical significante:
Horcan leslie tabata moviendo riba Atlantico central, zuid di Azoren y no ta un peliger pa area di Caribe.
Michael a bira post- tropical i lo no wordu nombra mas den boletin di tempo.
Tormenta tropical Nadine, tabata situa west di e islanan Cabo Verde y ta moviendo west- noordwest riba awanan habri di oost Atlantico. E sistema aki ta solamente un peliger pa navegacion maritimo.
Potencial di awasero pa proximo 24 ora: 3 te 10 mm; localmente esaki por varia
Registracion di temperatura (Celsius) y awasero (mm) den ultimo 24 ora:
Airport max 31 / min 24 / 8.6
Pronostico di tempo pa proximo tres (3) dianan:
Levemente te parsialmente nubla cu localmente un awasero. Biento lo ta modera for di direccion oost- noordoost te oost- zuidoost; den dia basta fuerte te posiblemente fuerte den rafaga; temperatura max / min lo ta: 32/26