Aruba Softball Bond a reuni diamars ultimo cu su miembronan den un reunion extraordinario na Sta Cruz 38 na cas di Mama Sofia den un ambiente hopi ameno pa trata Campeonato 2017 y posibel cambionan na reglamento di campeonato 2014-2017. Despues cu presidente Endy Croes a habri reunión y a comparti desaroyonan internacional como informacionnan general pa mante tur miembro altanto locual ta tumando luga y a bay over na trata punto di agenda campeonato 2017. Diabierna awor 12 di Mei 2017 lo tin e gran apertura di campeonato den tur 3 division Femenino AA, Masculino AA y A Klas. Ta invita tur ekiponan miembro pa ta presente no mas laat cu 6:30pm na veld di Flatstone. Lo tira lot y lo bay tin 2 wega riba e dia inaugural. Tambe ta recorda ekiponan cu no a entrega nan lista ainda pa entrega esaki acompaña cu Afl. 200,- di competitiegeld. Animo di tur ekipo ta mustra halto unda a debati riba diferente cambionan y a aproba esakinan pa cu campeonato 2017. ASB ta desea exito na tur ekipo y ban hunto hasi campeonato 2017 uno competitivo y bunita pa nos fanaticonan.