Aruba Softball Bond a reuni cu seleccion Masculino

0
RBC Juli 2018
Funmiles-2018

Aruba Softball Bond trahando na un manera responsabel a reuni diaranson ultimo cu e Selecion Masculino kendenan a regresa 10 di Juni for di un competencia di CONSURSA unda un total di 11 Pais a competi. No obstante cu Aruba no a logra clasifica den e prome 4 ekiponan cu a disputa den e page system playoff Aruba individual a logra 3 premio ( medaya) den henter e torneo. Jason Orman best infielder, Kelvin Silvania best first basemen y Filbert Thiel e mihor outfielder. A evalua henter e campeonato pa determina kico nos lo por haci mihor y unda nos mester traha mas duro pa por bira mas competitivo. Endy Croes a presenta un reporte detaya di scorers unda cada atleta por a wordo evalua riba su performance pa cu su pais pero tambe a haci uzo di informacion di otro paisnan pa evalua nos mes pa mira e partinan menos fuerte unda nos por sigui traha pa desaroya y progresa. Riba aspectonan di logistica hotel, transporte y alimentacion 100% henter e delegacion tabata hopi satisfecho y no tabata tin ningun incombenencia. Pa loke ta pitcheo nos a mira un progreso den Jair Thomspon y Jomark Flanegin unda Jair a perde 5-3 cu Venezuela y Jomark a perde 4-2 cu Colombia cu ta resultadonan sigur positivo comparando cu algun aña atras. Nos fildeo como ekipo a luci y nos defensa tabata super y a sali den e top 3 di henter e torneo. Locual ta nos bateo nos mester mas profundidad. Ehempel contra Panama nos a perde 2-1 lagando 11 coredo na base y a perde 1-0 cu Ecuador. Paisnan cu den futuro nos mester gana. Pa esaki nos mester keda mira mas pitchernan internacional. Pues a traha caba riba un plan pa continua. Prome siman di Augustus un ekipo di Republica Dominicana lo ta na Aruba pa hunga 5 wega di fogeo contra un pitcher di seleccion di republica Dominicana. Dia 3 pa 8 di October seleccion lo bay un competencia na Panama Centro Americano y lo competi hungando 10 wega contra e miho ekiponan Centro Americano y lo mantene un plan di desaroyo asina pa nan compromiso grandi den 2019. Por lo pronto tur diadomingo mainta 1030 pa 1pm seleccion lo ta entrenando y den Augustus lo aumenta esaki bek na 3 biaha pa siman preparando asina pa Panama. Presidente Endy Croes y Directiva a gradici tur presente mirando atras riba un tremendo anochi di evaluacion di nos ultimo competencia. Softball den pleno desaroyo.

Comments

comments

C: Heineken
new india