Despues di e exito rotundo di e Benu-Sparta-ASA Soccer Camp, awo Aruba Soccer Academy ta anuncia nan siguiente proyecto, esta e tercer edicion di nan Summer Camp, cu Andre Ooijer como invitado special.
Andre Ooijer ta un hungado conoci na Hulanda, cu a train bou guia di e Ajax su jeugdopleiding. Den su prome añanan como hungado profesional, Andre a hunga defensa pa FC Volendam y Roda JC. Despues Andre a hunga den Eredivisie cu PSV. Andre a disfruta di hunga internacionalmente tambe na Inglatera pa Blackburn Rovers, pa despues firma back cu Ajax.
Andre a yega di representa Hulanda varios biaha tambe den e FIFA World Cup, alabes tambe den UEFA Cup, pues un hungado estelar cu experiencia na nivel internacional. Ta bon pa remarca cu Ooijer tawata riba e team cu a yuda hiba Hulanda na e final na 2010 di FIFA World Cup na Africa.
Aruba Soccer Academy ta contento di por ofrece nos hubentud fanatico di futbol e oportunidad di haya training di un ex- hungado profesional, unda cu sigur esaki lo duna un aporte na nan desaroyo como futbolista. Tur esaki ta wordo haci posibel cu sosten di main sponsor di e camp, esta Benu Pharmacy cu ta sigui aporta na Aruba su hubentud un biaha mas. Tambe ASA ta gradicido na su otro patrocinado nan manera Diario, Arubianos Local Brand y tambe Doc Opleidingen.
E camp lo tuma logra di 9 pa 12 di Juli, trainingnan lo ta di 9 am pa 12 di merdia. Tur participante lo ricibi un snack saludabel durante training y suficiente likido pa refresca nan mes. Prijs pa participacion ta Af 200, cual ta inclui tambe un uniform di marca Robey di calidad halto. Cupo ta limita, ASA ta invita tur mucha pa inscribi lo antes posibel pa no keda afo! E prome 50 muchanan cu ta registra ademas ta haya un par di flip flops regalo di Arubiano Local Brand.
Pa mas informacion por tuma contacto cu ASA na 592-5235 of por manda un email na [email protected]