Aruba Soccer Academy ta orguyoso di anuncia e di dos edicion camp di futbol den colaboracion cu Sparta Rotterdam cu ta bay tuma luga aki na Aruba.
Sparta Rotterdam ta e club di futbol profesional mas bieu di Hulanda (desde 1888), y tambe ta un di e fundadonan di futbol profesional di e pais aki. Hunto cu e club aki, cu ta den Eredivisie, Aruba Soccer Academy ta organisando un futbol camp di 22 pa 26 di April pa hoben entre 4 pa 16 aña. E camp tin un prijs di Afl 300. Pa e prijs aki cada mucha ta ricibi extra banda di e training, un uniform set completo di e marca di calidad Robey, certificado di participacion, un lunch y fruta y co’i bebe diariamente tambe ta inclui.
E camp ta bou di guia di top coachnan di e Sparta Jeugdopleiding, cu apoyo di e coachnan certifica di Aruba Soccer Academy.
E Sparta Camp aki no lo ta posibel sin apoyo di sponsornan, y Aruba Soccer Academy kier a tuma espacio pa gradici su main sponsor Benu Pharmacy y tambe Quinta del Carmen cu ta bay percura pa tur mucha tin un lunch saludabel y sabroso despues di nan training.
Aruba Soccer Academy ta invita e hoben nan di Aruba pa registra lihe ya cu cupo ta limita, y mas cu 70% di e camp ta yen caba. Probecha di e oportunidad unico aki di train bou guia di e coachnan di Sparta su Jeugdopleiding cual ta reconoci na Hulanda como un di e mihonan. Nombernan conoci cu a yega di gradua di Sparta Rotterdam su Jeugdopleiding ta Memphis Depay, Georginio Wijnaldum, Kevin Strootman y Jetro Willems cu ta di nos hermana isla Corsou.
Pa registra por manda un WhatsApp na 592-5235 of manda un email na [email protected] of por bishita nos Facebook page ASA – Aruba Soccer Academy.