Aruba sea orguyoso di bo atletanan

Manera ta conoci actualmente tin e Weganan Olimpico hubenil na Argentina. Aruba ta wordo representa door di atletanan den diferente ramo di deporte.

BEACH VOLLEYBALL
Pa loke ta e deporte di beach volleyball e team di mucha muhe, consistiendo di Mali Rafini y Kayla Arends a sa di termina na di 17 lugar. Den su totalidad e competencia di beach volleybal di mucha muhernan tawata consisti di 32 team. Pues un logro grandi pa un isla chikito manera Aruba.

DEDICACION, DETERMINACION y SACRIFICIO
E logro grandi aki no tawata posibel sin e dedicashon, determinashon y hopi sacrificio di e atletanan. Mescos ta conta pa nan coach Irald Phelipa. Mi mes persona a wak diferente training di nan y mi sa e sacrificio cu nan a haci y e disciplina cu nan tawatin pa por a representa nos isla dignamente.

Como Arubiano e ta yenami cu orguyo di wak boso logro. Na mes momento e ta ponemi reflexiona. E logro grandi aki boso a logr’e door di ta dedica, determina y dispuesto pa sacrifica. Imaginabo kico tur nos por logra como pais y pueblo si nos tur desplega e mesun dedicashon y determinashon.

Un pabien grandi na tur atleta cu a competi na e Weganan Olimpico hubenil y tambe na Comite Olimpico pa nan sosten y aporte brinda na nos atletanan Arubiano.

Comments

comments