Diaranson anochi pa 7:30 a inicia e di dos partido final entre Sluggers Grashoppers y Hammersharks na Nadi Croes Crismo Angela Ballpark na Santa Cruz.
Un partido cu hopi ambiente entre hungadonan y tambe fanaticonan den e di dos wega final entre e dos ekiponan aki, unda cu Hammersharks ta ranca sali cu dos careda den di dos inning cu un bataso di homerun den left field y saki lo ta e unico caredanan cu e equipo lo a anota.
Pero esaki no a hasi daño na Sluggers mirando cu dibiaha nan ta anota 3 careda den cabes di 3 inning sin falta. Na final Aruba rotary sluggers Grasshoppers ta derota e equipo di Hammersharks garden fresh na un score di 10-2. Wega 3 final di Hubenil Baseball lo continua diaberna 18 Februari 2022 pa 7 pm. Pitcher ganado ta keda den man di Marshall Albertsz cu a pitcha wega completo.