Recientemente Sr. Castro Perez, presidente di Aruba Reef Care Foundation a presenta un serie di lectura na e staff y personal di Elmar N.V. Sr. Perez a papia di Aruba Reef Care Foundation su trabounan, pero alavez elabora ariba e vision, mision y tambe di e objetivo principal di e organizacion.
E vision di ARCF ta boga pa promove crecemento di nos isla na un forma sostenibel. Proteccion di nos medio ambiente marino pa futuro generación. Maneho y regulacion di areanan. E mision di ARCF ta pa conscientisacion, importancia di proteccion di bida marino. Pone palabra den accion, hasi un accion di limpiesa.
Conscientisacion y control di Lionfish. Yuda cu implementacion di un Parke Marino. Nos objetivo principal ta conscientisacion pa proteccion y preservacion di nos medio ambiente marino.
Parti di e lectura a toca e problema di poluccion marino. Manera ta conoci, 80% di mayoría di poluccion marino ta bin di sushedad cu origena for di ariba tera e.o sushedad di construccion, waf, marina, area commercial, industrial, truck di sushi y dump (landfills), un 20% ta sushi cu ta wordo tira for di barconan, liña di pisca etc.Tin un impacto hopi grandi ariba animalnan marino. Den oceano, sushedad cu ta contene plastic ta herida y mata pisca, parha marino y mammal marino. E polucion di plastic marino a afecto por lo menos 267 especies mundialmente, incluyendo 86% di tur tipo di turtuga marino.
E impacto di e fatalidad a resulta den e.o digestion, stik, infeccion, hogamento y bruhamento den liñanan di pisca. Mas di 100.00 animal marino ta muri pa mundialmente, incluyendo 86% di tur tipo di turtuga marino. den liña di pisca. Mas di 100.00 animal marino ta muri pa aña door di e efecto di plastic. Un bonita gesto di parti gerencia di Elmar, cu a reparti pa tur su staff y personal un sako re- usable pa hasi compras. ARCF a probecha di e ocasión pa invita Staff y Personal di Elmar pa participa na e accion di limpiesa cu planea pa dia 24 di September, 2017.